Avropa liderləri ABŞ-a Ukrayna ilə bağlı səfər edəcək

 Bəzi Avropa ölkələrinin liderləri Ukrayna münaqişəsinin sülh yolu ilə həlli məsələsini müzakirə etmək üçün bazar ertəsi və çərşənbə axşamı ABŞ-yə səfər edəcəklər. Bu barədə ABŞ Prezidenti Donald Tramp bildirib.

O, Vaşinqton yaxınlığındakı Endryus hərbi bazasında jurnalistlərə açıqlamasında “çox maraqlı müzakirələr” aparıldığını deyib.

Tramp əlavə edib ki, yaxın günlərdə Rusiya Prezidenti Vladimir Putinlə telefon danışığı da planlaşdırır.

Avqustda Vaşinqtonda keçirilən sammitdə Tramp Almaniya kansleri Olaf Şolts, Fransa Prezidenti Emmanuel Makron və İtaliya Baş naziri Ciorcia Meloni ilə görüşərək Ukraynaya hərbi və maliyyə dəstəyi, həmçinin Rusiya ilə danışıqların mümkün mexanizmlərini müzakirə etmişdi.

Bu səfərlər Ukraynada münaqişənin diplomatik həllinə dair ABŞ-Avropa əməkdaşlığının davamı kimi qiymətləndirilir.

N.Təbrizli