Nepalda bütün hava limanları fəaliyyətini dayandırıb

Nepalda bütün hava limanları fəaliyyətini dayandırıb.Bu barədə xarici KİV xəbər verir.

Hava limanları sentyabrın 11-i ən azı saat 00:00-a qədər bağlı olacaq.

Nepalda sosial şəbəkələrə qoyulan qadağalardan sonra ölkədə kütləvi etiraz aksiyaları başlayıb.

Əsas olaraq gənclərin iştirak etdiyi etirazlar zamanı baş verən qarşıdurmalarda 22 nəfər ölüb, 500-dən çox insan isə yaralanıb.

Bununla belə, bu gün paytaxtda parlament binasının önündə hökumətin istefası tələbi ilə yenidən aksiya təşkil edilib. Etirazçılar ölkə prezidenti Ramçandra Paudelin iqamətgahına, eləcə də parlamentin binasına basqın edərək yandırıblar.