Dohada ərəb və islam ölkələrinin fövqəladə sammiti keçiriləcək

Qətərin paytaxtı Dohada ərəb və islam ölkələrinin fövqəladə sammiti keçiriləcək. Bu barədə Qətər Xarici İşlər Nazirliyi məlumat yayıb.

Nazirlik bildirib ki, sammitə hazırlıq məqsədilə ilk olaraq xarici işlər nazirlərinin iclası keçiriləcək. Sentyabrın 14-ü və 15-i tarixlərində isə sammit baş tutacaq. Məqsəd İsrailin Qətərə raket hücumunun müzakirəsidir.

Sentyabrın 9-da İsrail HƏMAS-ın siyasi bürosunun üzvlərinin məskunlaşdığı mənzilləri hədəfə alıb. Hücum nəticəsində beş HƏMAS üzvü və Qətərin təhlükəsizlik idarəsinin əməkdaşı həyatını itirib.