ABŞ nümayəndələri Taliban rəsmisi ilə görüşüb

ABŞ prezidentinin girovlar üzrə xüsusi nümayəndəsi Adam Belerin başçılıq etdiyi nümayəndə heyəti Əfqanıstanın paytaxtı Kabilə səfər edib.Bu barədə Əfqanıstan XİN “X” hesabında məlumat paylaşıb. 

Bildirilib ki, Kabildə ABŞ nümayəndə heyəti və Taliban hərəkatı tərəfindən formalaşdırılan müvəqqəti hökumətdə XİN rəhbəri vəzifəsini tutan Əmir Xan Mottaki ilə danışıqlar keçirilib. 

Görüş zamanı əsas olaraq ölkələr arasında ikitərəfli münasibətlərin inkişafı yolları, eləcə də saxlanılan vətəndaşların mübadiləsi ilə bağlı məsələlər müzakirə edilib.