Azərbaycan 2026-cı il büdcə gəlirlərini $65 neft qiyməti əsasında formalaşdırıb

 2026-cı ildə dövlət büdcəsinin gəlirləri 38,42 mlrd manat (22,6 mlrd dollar), yəni ÜDM-in 28,6%-i həcmində proqnozlaşdırılır. Bu rəqəm bir barel üçün 65 ABŞ dolları orta neft qiyməti əsasında götürülüb. Bu barədə Maliyyə Nazirliyi məlumat verib. 

Gəlirlərin 43,8%-i və ya 16,82 mlrd manatı Dövlət Vergi Xidmətinin xətti ilə daxil olacaq. Bu, 2025-ci ilin təsdiq olunmuş göstəricisini 8,5%, 2024-cü ilin icrasını isə 6,4% üstələyir.

Gəlirlərin 12,75 mlrd manatı (33,2%) Dövlət Neft Fondundan transfertlərin, 6,85 mlrd manatı (17,8%) gömrük rüsumlarının, 1,02 mlrd manatı (2,7%) büdcədənkənar daxilolmaların, 981 mln manatı (2,6%) isə sair mənbələrin payına düşəcək.

Xərclərin 24,77 mlrd manatı (59,6%) cari xərclərə, 14,32 mlrd manatı (34,5%) əsaslı qoyuluşlara, 2,46 mlrd manatı (5,9%) isə dövlət borcuna və öhdəliklərin xidmətinə yönəldiləcək.

N.Təbrizli