Zelenski ABŞ-yə səfər edəcək

Ukrayna Prezidenti Volodimir Zelenski gələn həftə ABŞ-yə səfər edəcək.Bu barədə Ukraynanın Xarici İşlər Nazirliyinin sözçüsü Georgiy Tixiy bəyan edib.

Tixiy bildirib ki, Zelenski Nyu‑Yorkda keçiriləcək BMT Baş Assambleyasının 80‑ci sessiyasının yüksək səviyyəli həftəsi çərçivəsində bir sıra tədbirlərdə iştirak edəcək.

O vurğulayıb ki, bu il Ukrayna BMT Baş Assambleyasının yüksək səviyyəli seqmenti çərçivəsində Krım Platformasının V‑beynəlxalq sammitinə ev sahibliyi etməyə hazırlaşır. Eyni zamanda, BMT Təhlükəsizlik Şurasının “Ukraynada sülh və təhlükəsizliyin qorunması” mövzusunda yüksək səviyyəli iclasının keçirilməsi də müzakirə olunur.

Nazir Andriy Sibiqa isə bəzi tədbir və danışıqlarda ayrıca səlahiyyətli şəxs kimi iştirak edəcək.