Sessiya dövründə komitə 7 iclas keçirib - Komitə sədri

Milli Məclisin Ailə, Qadın və Uşaq Məsələləri Komitəsi 2025-ci ilin cari sessiyası ərzində 7 iclas keçirib və ümumilikdə 12 məsələyə baxıb. Bu barədə komitə sədri Hicran Hüseynova parlamentin plenar iclasında çıxışı zamanı məlumat verib.

Onun sözlərinə görə, sessiya müddətində komitə üzvləri həm əyani, həm də onlayn formatda müxtəlif işçi qrupları ilə görüşlər təşkil edərək, sosial məsələlərin aktuallığına dair müzakirələr aparıblar.

“Qaldırılan məsələlər əsasən ailə dəyərlərinin qorunması, gender bərabərliyi, uşaqların müdafiəsi və qadınların hüquqlarının təşviqi ilə bağlı olub,” –  Hüseynova bildirib.
Komitənin fəaliyyət istiqamətləri çərçivəsində bir sıra qanun layihələrinin də ilkin müzakirəsi aparılıb.

Gülnar Nazimqızı