SOCAR İtaliya şirkətindən pay alır

Azərbaycan Dövlət Neft Şirkəti (SOCAR) ilə İtaliyanın “Italiana Petroli S.p.A” şirkətinin məxsus olduğu “MIP S.p.A” şirkəti arasında səhmlərin alışı ilə bağlı müqavilə imzalanıb. Müqavilə, Bakıda keçirilən I Azərbaycan Beynəlxalq İnvestisiya Forumu (AIIF 2025) çərçivəsində baş tutub.

Sənədi SOCAR-ın prezidenti Rövşən Nəcəf və “Italiana Petroli S.p.A”nın İdarə Heyətinin sədri Uqo Braçetti Peretti imzalayıb. Bu müqavilə, SOCAR-ın Avropanın enerji bazarındakı mövqeyini gücləndirəcək və şirkətə yeni strateji imkanlar açacaq.

Eyni zamanda, AIIF 2025 çərçivəsində digər mühüm bir müqavilə də imzalanıb. “EelElectric” MMC ilə İsveç-İsveçrə transmilli korporasiyası "ABB Group"un Türkiyə nümayəndəliyi arasında elektrik mühəndisliyi və energetika sahəsində Modul Panel Sistemlərinin quraşdırılması ilə bağlı müqavilə bağlanıb. Sənədi “EelElectric”-in direktoru Vüsal Mirzəyev və "ABB Group Turkey"-nin ölkə meneceri Mahmud Rzayev imzalayıb.

Bu layihə, elektrik infrastrukturu sahəsində texnoloji inkişafı dəstəkləyərək Azərbaycanın enerjiyə olan tələbatını qarşılayacaq və enerji səmərəliliyini artıracaq.

Aytac