Azərbaycanlı Mais Məmmədov Novosibirsk vilayətində üçüncü dəfə seçildi

Azərbaycan əsilli iş adamı Mais Məmmədov Novosibirsk vilayətinin Qanunvericilik Məclisinə keçirilən seçkilərdə ardıcıl üçüncü dəfə qalib gəlib.

60 yaşlı Məmmədov 14 saylı dairəni – İskitim, Maslyanino və Çerepanovo rayonlarını – təmsil edərək 21,9 min seçicinin dəstəyini qazanıb. Onun nəticəsi regionda ən yüksək göstəricilərdən biri olub və yalnız 2001-ci ildən bəri mandat qazanan spiker Andrey Şimkivdən geri qalıb.

Məmmədov 1986-cı ildə Azərbaycandan Novosibirska köçüb.

O, yerli tikinti sektorunda fəaliyyət göstərən “Birinci Tikinti Fondu” konsorsiumuna rəhbərlik edir, Novosibirsk Memarlıq və Tikinti Universitetinin Himayədarlar Şurasının üzvüdür və Rusiya-Azərbaycan evinin təsisçilərindən biridir.

O, həmçinin vilayət parlamentinin əvvəlki çağırışında sədr müavini olub və bu ilin iyununda Rusiyanın “Vətənə xidmətlərə görə” II dərəcəli ordeni ilə təltif edilib.