Metro və avtobuslarda gedişhaqqı 60 qəpik olacaq - Bu tarixdən

1 oktyabr 2025-ci ildən metro və seçilmiş avtobus marşrutlarında gediş haqqı hər səfər üçün 60 qəpik  olacaq. Bu barədə Rəqəmsal İnkişaf və Nəqliyyat Nazirliyi məlumat yayıb. 

 Bu addım 2025–2030-cu illəri əhatə edən və Bakı ilə ətraf regionlarda nəqliyyat infrastrukturunun yenilənməsini nəzərdə tutan dövlət proqramı çərçivəsində geniş islahatların bir hissəsidir. 

Plana əsasən, metro və seçilmiş avtobus marşrutlarında gediş haqqı hər səfər üçün 60 qəpik  olacaq. Yeni tariflər yalnız nağdsız ödəniş sistemi ilə işləyən və ekoloji cəhətdən təmiz nəqliyyat vasitələri – məsələn, elektriklə və ya sıxılmış təbii qazla (CNG) işləyən avtobuslar – tətbiq edilən marşrutlara şamil olunacaq.

Hazırda Bakı şəhərinin marşrut şəbəkəsinə təxminən 100 ekoloji avtobus əlavə olunub və bu rəqəmin ilin sonuna qədər 400-ə çatacağı gözlənilir. Gəncə, Sumqayıt və Naxçıvan kimi digər şəhərlərdə də avtoparkların yenilənməsi prosesi davam edir. Bundan əlavə, azad edilmiş ərazilərdə 2026-cı ilə qədər 143 elektrik avtobusunun istismara verilməsi planlaşdırılır.

Aytac