9 ayda dövlət qurumlarına qarşı 600-dən çox APT kiberhücumunun qarşısı alınıb

2025-ci ilin  doqquz ayında Azərbaycanda dövlət qurumlarına qarşı 600-dən çox APT kiberhücumunun qarşısı alınıb. Bu barədə Xüsusi Rabitə və İnformasiya Təhlükəsizliyi Dövlət Xidməti məlumat yayıb.

Məlumata görə, analiz nəticəsində 650 kiberhücum indikatoru müəyyən edilib. Sözügedən kiberhücum indikatorlarının bloklanması nəticəsində dövlət qurumlarına qarşı hazırlanmış, xüsusi hədəflənmiş APT kiberhücumlarının qarşısını alıb.

Bu kibertəhdidlərin 216-sı daxili araşdırma, 434-ü isə dövlət qurumlarının müraciətləri əsasında müəyyən olunub.