Qazaxıstan Almaniyaya neft tədarükü müqaviləsini 2026-cı ilin sonuna qədər uzadıb – “KazMunayGas”

Qazaxıstan Almaniyaya neft tədarükü üzrə müqaviləni 2026-cı ilin sonuna qədər uzadıb və ayda 130 min tonadək neft göndərəcək. Bu barədə çərşənbə axşamı “KazMunayGas” milli şirkətinin məlumatında bildirilib.

Qazaxıstan 2024-cü ildə “KazMunayGas”ın Kaşaqan yatağından, 2025-ci ildə isə “Tengizchevroil”un ehtiyatlarından Almaniyaya neft tədarükünə başlayıb. Həcmlərin 2026-cı ilin sonuna qədər 100 min tondan 130 min tona qədər artırılması “Karachaganak Petroleum Operating”in resursları hesabına planlaşdırılır.

2025-ci ilin ilk doqquz ayında Qazaxıstan Almaniyanın Şvedt şəhərindəki neft emalı zavoduna təxminən 1,5 milyon ton neft ixrac edib.

Qazaxıstan nefti Uzun-Atyrau-Samara magistral kəməri ilə, daha sonra “Transneft” sistemi vasitəsilə Almaniyaya çatdırılan Adamova Zastava təhvil məntəqəsinə qədər nəql olunur.

Ölkə 2025-ci il üçün “Drujba” boru kəməri ilə Almaniyaya neft ixracı proqnozunu 2,5 milyon tondan 2 milyon tona endirib. 2024-cü ildə tədarüklərin həcmi 1,5 milyon ton təşkil edib.

N.Təbrizli