• $ 1.7
  • € 1.9886
  • ₽ 0.020473
  • ₺ 0.0408
  • £ 2.2898

Audiovizual Şura Baku TV-yə xəbərdarlıq edib

Audiovizual Şura Baku TV-yə xəbərdarlıq edib
08.10.2025 17:21

Azərbaycan Respublikası Audiovizual Şurasının növbəti iclası keçirilib. Bu barədə  Şuradan məlumat verilib.

İclasda son aylarda efirə gedən televiziya proqramlarında ayrı-seçkiliyi ehtiva edən yanaşmaların artan tendensiyası ilə bağlı ciddi narahatlıq müzakirə olunub. Qeyd olunub ki, cari il ərzində aparılmış monitorinqlər nəticəsində "Media haqqında" Qanunun 14.1.4-cü maddəsinin pozulması, yəni müxtəlif növ ayrı-seçkiliyin təbliği nəticəsində ilin müxtəlif vaxtlarında "Space TV", "Xəzər TV", "ARB" kanallarına rəsmi xəbərdarlıq verilib, bir dəfə "Space TV" kanalının yayımı 6 saatlıq, "Kanal S" kanalının yayımı isə 24 saatlıq dayandırılıb. Bundan başqa, ictimai həssaslıq doğuran bu və ya digər mövzulara balanslı yanaşılması məqsədilə yayımçılara mütəmadi olaraq müvafiq tövsiyələr verilib.

İclas zamanı bu kontekstdə "Baku TV" televiziya kanalının efirində 24 sentyabr 2025-ci il tarixdə yayımlanan "Amin" proqramı zamanı səsləndirilən fikirlər də ciddi müzakirə olunub. Qeyd olunan proqramda kişi-qadın, ailə münasibətləri mövzusunda müzakirələr zamanı qonaq tərəfindən "...Mən qadınam. Kişi həmişə qabaqda getməlidi. Bu, həyatın qanunudu və bu qanunu sən pozsan, Allah sənə oğul övladından cəza çəkdirəcək... Bu qanundu, Allahın qanunudu... Allah-təala qadını sırf kişiyə tabe elətdirir..." fikirləri səsləndirilib.

"Audiovizual Şuranın Audiovizual proqramların monitorinqi və təhlili şöbəsinin mütəxəssisləri tərəfindən bu fikirlər "Media haqqında" Qanunun 14.1.4-cü maddəsinin pozulması kimi, yəni cinsi (gender) ayrıseçkiliyinin təbliği kimi qeydə alınıb, daha sonra müvafiq prosedurlara uyğun olaraq həmin fakt Audiovizual Şuranın hüquqşünasları tərəfindən də pozuntu faktı kimi təsdiq olunub.

İclas zamanı məsələ diqqətlə müzakirə edilib və yekdilliklə bu fikirlərin cinsi ayrıseçkiliyin təbliği kimi təfsir olunması qənaətinə gəlinib. Belə ki, proqramda qonaq qismində çıxış edən şəxs tərəfindən səsləndirilən fikirlərdə cinsi ayrı-seçkiliyi təşviq edən, qadın və kişi bərabərliyinə zidd olan ifadələrə yol verilib. Çıxış zamanı bu fikirlər dini və fəlsəfi yanaşmalarla əsaslandırılmağa cəhd edilmiş, lakin təqdim olunan mövqelər obyektiv dini və ya elmi əsaslardan kənar, subyektiv və ayrı-seçkilik xarakteri daşıyan məzmunla ifadə olunub. Həmçinin, qonağın fikirlərinə aparıcının təsdiqləyici reaksiya bildirməsi də, cinsi ayrı-seçkiliyin təbliğinə xidmət edə bilən fikirlərə yer verilməsi kimi qiymətləndirilib. Audiovizual Şuranın üzvləri "Baku TV" kanalına xəbərdarlıq edilməsi barədə razılığa gəliblər.

Audiovizual Şura media məkanının maarifləndirici, obyektiv və diskriminasiyadan kənar prinsip əsasında fəaliyyət göstərməsinin zəruriliyini yayımçılara bir daha xatırladır, onlardan yayım zamanı qanunvericiliyin normalarını əsas tutmalarını tələb edir", - məlumatda qeyd olunub.

Oxşar xəbərlər
Oxşar xəbərlər
9 ayda 2 min ailə dövlətdən kirayəyə mənzil götürüb
İqtisadiyyat 17:47
9 ayda 2 min ailə dövlətdən kirayəyə mənzil götürüb
Azərbaycanda vergi ödəyicilərinin sayı 5 %-ə yaxın artıb
İqtisadiyyat 17:37
Azərbaycanda vergi ödəyicilərinin sayı 5 %-ə yaxın artıb
Audiovizual Şura Baku TV-yə xəbərdarlıq edib
İqtisadiyyat 17:21
Audiovizual Şura Baku TV-yə xəbərdarlıq edib
“Bütün vücudlar danışır” layihəsinin illik yekun tədbiri keçirilib
İqtisadiyyat 11:55
“Bütün vücudlar danışır” layihəsinin illik yekun tədbiri keçirilib
Yelo komandası Mərdəkan çimərliyində təmizlik aksiyası həyata keçirib
İqtisadiyyat 11:11
Yelo komandası Mərdəkan çimərliyində təmizlik aksiyası həyata keçirib
Pomidor ixracı 2025-ci ilin səkkiz ayında 23%-ə yaxın artıb
İqtisadiyyat 10:47
Pomidor ixracı 2025-ci ilin səkkiz ayında 23%-ə yaxın artıb
Azərbaycan nefti ucuzlaşıb
İqtisadiyyat 10:15
Azərbaycan nefti ucuzlaşıb
Avro ucuzlaşıb,rubl bahalaşıb - Məzənnə
İqtisadiyyat 09:33
Avro ucuzlaşıb,rubl bahalaşıb - Məzənnə
SOCAR Bolqarıstandakı “Lukoil” neft emalı zavoduna maraq göstərir
İqtisadiyyat 07:57
SOCAR Bolqarıstandakı “Lukoil” neft emalı zavoduna maraq göstərir
Anews TV

Rəsmi Youtube kanalımız

Abunə ol