İlk məqsədimiz vətəndaşın oğurlanan pullarını dondurmaqdır - AMB rəsmisi

 Daxili İşlər Nazirliyindən daxil olan vətəndaş şikayətləri əsasında pulların harada yerləşdiyi araşdırılır və zərurət yarandıqda həmin vəsaitlərin dondurulması üçün tədbirlər görülür. Bunu Mərkəzi Bankın İnformasiya və Kibertəhlükəsizlik Departamentinin rəisi Elnur Eyvazlı deyib.

 
“Vətəndaşın şikayəti gəldikdə ilk növbədə pulların harada olduğunu müəyyən edirik. Məqsəd odur ki, qanunsuz əməliyyatlar aşkarlandıqda vəsaitlər dondurulsun,” – Eyvazlı Bakıda keçirilən tədbirdə bildirib.

O əlavə edib ki, gələcəkdə qanunvericilikdə dəyişikliklərin edilməsi arzuolunandır və bank sektorunda kart istifadəsi ilə bağlı geniş maarifləndirməyə ehtiyac var.

 Eyvazlı biometrik məlumatların qorunması istiqamətində artıq güncəlləmələr həyata keçirildiyini də vurğulayıb.

Gülnar Nazimqızı