Cari ilin sonunadək Horadiz-Ağbənd avtomobil yolunun tikintisi başa çatdırılacaq

2025-ci ilin sonuna kimi Horadiz-Ağbənd avtomobil və dəmir yollarının tikintisinin başa çatdırılması planlaşdırılır. Bunu Baş nazirin müavini Şahin Mustafayev Bakıda keçirilən Azərbaycan, Rusiya və İran hökumət nümayəndələrinin üçtərəfli görüşündə çıxışı zamanı məlumat verib.

"Bu nəqliyyat infrastrukturu həm Şərq-Qərb, həm də Şimal-Cənub beynəlxalq nəqliyyat dəhlizlərinin yeni qolunu təşkil etməklə yanaşı, Fars Körfəzini Qara Dənizlə bağlayacaq yeni marşrut rolunu oynayacaq",- Mustafayev vurğulayıb.

O bildirib ki, 2022-ci ildən etibarən Orta Dəhlizlə həyata keçirilən yükdaşımaların həcmi təxminən 90 faiz artıb. Dəhliz üzrə tranzit müddətləri isə nəzərəçarpacaq dərəcədə azalıb.

Aytac Zeynalova