Rusiya-Azərbaycan yükdaşımaları 2025-ci ilin ilk yarısında 13% artıb – Overçuk

2025-ci ilin birinci yarısında Rusiya ilə Azərbaycan arasında yükdaşımaların həcmi ötən ilin eyni dövrü ilə müqayisədə 13% artaraq 6,8 milyon tona çatıb. Bu barədə Rusiya baş nazirinin müavini Aleksey Overçuk Azərbaycan, İran və Rusiya arasında keçirilən üçtərəfli görüşdə bildirib.

Overçukun sözlərinə görə, Rusiya Federal Gömrük Xidmətinin (FGX) məlumatına əsasən, 2025-ci ilin ilk altı ayında Rusiya-Azərbaycan sərhədindən 176 761 beynəlxalq nəqliyyat vasitəsi keçib – bu göstərici 2024-cü ilin eyni dövrü ilə müqayisədə 10% çoxdur.

“Rusiya-Azərbaycan sərhədində yerləşən avtomobil buraxılış məntəqələrinin keçid qabiliyyəti sutkada 400-dən 1900 yük maşınına qədər artırılıb. Novo-Filya, Tagirkent-Kazmalyar və Yaraq-Kazmalyar məntəqələrinin yenidən qurulması nəticəsində Rusiya tərəfi üçün ümumi buraxılış qabiliyyəti gündə 300 yük maşını təşkil edəcək,” –  Overçuk əlavə edib.

Baş nazirin müavini həmçinin bildirib ki, 2025-ci ilin ilk yeddi ayında Azərbaycandan Rusiyaya idxal 9,5% artıb. Hazırda Azərbaycanda təxminən 1 800 Rusiya kapitallı şirkət fəaliyyət göstərir.

Overçuk, İranla da iqtisadi əməkdaşlığın genişləndiyini qeyd edərək, iki ölkə arasında ticarət dövriyyəsinin 2024-cü ilin sonuna 13,3%, 2025-ci ilin ilk yeddi ayında isə 11,8% artaraq 2,7 milyard ABŞ dollarına çatdığını bildirib.

O vurğulayıb ki, əldə olunan bu göstəricilər qismən Avrasiya İqtisadi İttifaqı (Aİİ) çərçivəsində ölkələr arasında artan əməkdaşlığın nəticəsidir.

Aytac