Astarada gəlin toyundan bir gün sonra ölüb

Astarada 17 yaşlı qız toydan bir gün sonra dünyasını dəyişib. APA-nın Cənub bürosunun məlumatına görə, hadisə oktyabrın 28-də baş verib.

2008-ci il təvəllüdlü Ə.İ. Deqədi kəndində keçirilən toy mərasimindən sonra özünü pis hiss edib və təcili tibbi yardım vasitəsilə Astara Rayon Mərkəzi Xəstəxanasına aparılıb.

TƏBİB-dən bildirilib ki, pasiyent 29 həftəlik hamilə olub və ona ölü döl, köndələn vəziyyət, anuriya, kəskin ağciyər, ürək və böyrək çatışmazlığı, toksik ensefalopatiya və septiki şok diaqnozları qoyulub. Müalicə reanimasiya şöbəsində aparılsa da, göstərilən bütün tibbi müdaxilələrə baxmayaraq, 29 oktyabr səhəri saat 06:00 radələrində bioloji ölüm qeydə alınıb.

Meyit Məhkəmə Tibbi Ekspertiza və Patoloji Anatomiya Birliyinin Astara rayon şöbəsinə göndərilib. Faktla bağlı rayon prokurorluğunda araşdırma aparılır.

Gülnar