Ilham Əliyev dünya çempionatından danışıb

Azərbaycan və Özbəkistanın ev sahibliyi edəcəyi FIFA U-20 2027 futbol üzrə dünya çempionatının final mərhələsi Avropa ilə Asiyanı birləşdirəcək.

Bu barədə Azərbaycan Prezidenti İlham Əliyev Özbəkistan Milli İnformasiya Agentliyinə (UzA) müsahibəsində bildirib.

“İki ölkənin birgə səyləri nəticəsində FIFA İcraiyyə Komitəsi 2027-ci il futbol üzrə U-20 dünya çempionatının final mərhələsinin Azərbaycanda və Özbəkistanda keçirilməsi barədə qərar qəbul etdi. Bu, Avropa və Asiyanı birləşdirən tarixi nailiyyətimizdir”, —  dövlət başçısı vurğulayıb.