Bakının mərkəzində səfirlik avtomobili qaydaları pozub

Bakının mərkəzində Böyük Britaniya səfirliyinə məxsus avtomobilin avtobus dayanacağında və velosiped zolağında dayanmasına dair foto sosial şəbəkələrdə yayılıb.

“Qafqazinfo”nun məlumatına görə, fotonu teleaparıcı İlkin Həsəni sosial mediada paylaşaraq hadisəni “Yeni mikrodiplomatiklik zolaqları” başlığı ilə təqdim edib.

Mövcud qanunvericiliyə əsasən, Azərbaycanda avtobus və velosiped zolaqlarından qanunsuz istifadə 100 manat cərimə və 2 balla, avtobus dayanacağının zəbt edilməsi isə 40 manat cərimə ilə cəzalandırılır.