Doqquz ayda bağlanan və açılan iş yerlərin sayı nə qədər olub?

2025-ci ilin yanvar-sentyabr aylarında ölkədə 77 700 yeni iş yeri açılıb. Yaradılmış iş yerlərinin 91,4 faizi qeyri-dövlət sektorunda, 75,9 faizi isə Bakı şəhərində yerləşib. Bu barədə Dövlət Statistika Komitəsindən bildirilib. 

Digər regionların payı 23,3 faiz olub, o cümlədən Abşeron-Xızı 7,2 faiz, Quba-Xaçmaz və Şəki-Zaqatala hər biri 2,7 faiz, Qarabağ 2,4 faiz, Gəncə-Daşkəsən 1,9 faiz təşkil edib.

Eyni dövrdə 8 200 iş yeri bağlanıb, onların 47,4 faizi qeyri-dövlət sektoruna aiddir. Bağlanmış iş yerlərinin 27,3 faizi müəssisə və təşkilatların fəaliyyətinin dayandırılması, 72,7 faizi isə fəaliyyət göstərən müəssisələrdə aparılan ixtisarlar nəticəsində yaranıb.

Yeni iş yerlərinin 89,8 faizi mövcud müəssisələrdə, 9,1 faizi yeni yaradılmış müəssisələrdə, 0,4 faizi fəaliyyətini bərpa etmiş müəssisələrdə, 0,7 faizi isə digər tədbirlər çərçivəsində açılıb.

Gülnar