Sədərəkdə erkən nikahın qarşısı alınıb

Sədərək Rayon Polis Şöbəsinin əməkdaşları tərəfindən Dəmirçi kəndində 21 yaşlı şəxs ilə 15 yaşlı qız arasında keçirilməsi planlaşdırılan nişan mərasimi dayandırılıb.

Polis tərəfindən tərəflərlə profilaktik söhbətlər aparılıb və qanunvericilik tələbləri izah edilib.

Azərbaycanda qanunvericiliyə görə 18 yaşınadək şəxslərlə nikah və ya nişan mərasimi keçirmək qadağandır.

Erkən nikah hallarının qarşısının alınması üçün polis və sosial qurumlar mütəmadi olaraq maarifləndirmə və profilaktik tədbirlər həyata keçirir.