Deputatdan həmkarına: Qaz satışına məhdudiyyət qoyulmasını müzakirə etdinizmi?/Video

Milli Məclisin plenar iclasında deputat Qüdrət Həsənquliyev ABŞ-ın Yunanıstan üzərindən Ukraynaya Azərbaycan qazının satışı ilə bağlı məhdudiyyətlər tətbiq etdiyi barədə mətbuatda yayılan iddialara münasibət öyrənib.

"Mətbuatdan oxuduğumuza görə ABŞ Yunanıstan üzərindən Ukraynaya qaz satmağımızın qarşısını alıb. Səməd Seyidovun bu barədə məlumatı varmı? Varsa ABŞ görüşlərində bu məsələ müzakirə olunubmu?", - deputat sua ünvanlayıb.

Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov iddiaları şərh edərək bildirib ki, Azərbaycan yalnız ABŞ-ı deyil, bütövlükdə Avropanı enerji ilə təmin edən ölkələrdən biridir.

 Onun sözlərinə görə, enerji dəhlizləri, neft və qazla bağlı qarşı tərəflə “çox dərin” müzakirələr aparılır.

Seyidov əlavə edib ki, mövzu ilə bağlı detallı məlumatın verilməsi üçün müzakirələr Qüdrət Həsənquliyev ilə ayrıca şəkildə aparıla bilər.

Gülnar Nazimqızı