Azərbaycan hərbçisi Laçında mina qurbanı olub

Azərbaycan Müdafiə Nazirliyinin hərbi qulluqçusu Vüsal Cabbarov Laçın rayonu ərazisində minaya düşərək ağır yaralanıb. Bu barədə
 Gununsesi.info məlumat yayıb.

İnsident mina partlayışı nəticəsində baş verib.
Hərbçinin yaxınları Cabbarovun ayaqlarından birinin amputasiya edildiyini bildiriblər. O, hazırda Müdafiə Nazirliyinin Baş Klinik Hospitalına yerləşdirilib və vəziyyətinin ağır olduğu qeyd olunur.
Laçın rayonu, 2020-ci il müharibəsindən sonra minalanmış ərazilər arasında riskli zonalar kimi tanınır. Azərbaycanda hərbçilər və mülki şəxslər arasında mina hadisələri hələ də fasilələrlə davam edir.

Gülnar