Azərbaycan neftinin qiyməti dəyişməz qalıb

Dünya bazarında Azeri Light markalı Azərbaycan neftinin 1 barelinin qiyməti dəyişməyərək 66,22 ABŞ dolları səviyyəsində qalıb.

Hərrac nəticələrinə əsasən, Brent markalı neftin fevral fyuçersləri 64,18 ABŞ dolları olub.

Türkiyənin Ceyhan limanında isə Azeri Light FOB əsasında 0,02 dollar və ya 0,03% bahalaşaraq 64,21 ABŞ dollarına yüksəlib.

Azərbaycanın 2025-ci il dövlət büdcəsi neftin orta qiymətini 70 ABŞ dolları səviyyəsində hesablayır.

Azeri Light-ın tarixi minimumu 2020-ci il 21 aprel — 15,81 dollar, maksimumu isə 2008-ci ilin iyulu — 149,66 dollar təşkil edib. Bu marka neft əsasən “Azəri-Çıraq-Günəşli” yataqlar blokundan hasil edilir və layihədə SOCAR-ın payı 31,65%-dir.