Elm işçisinə "bunu yazmaq olmaz deyilməməlidir" - ADA rəsmisi

Elm sahəsində azadlıq və tənqidi düşüncə olmalıdır. Bunu ADA Universitetinin Dövlət İdarəçiliyi və akademik məsələlər üzrə prorektor müavini Anar Vəliyev "Sosial-siyasi elmlər müasir çağırışlar fonunda: Beyin mərkəzləri, akademik elm ve universitetler" mövzusunda təşkil edilən dəyirmi masada deyib.

Vəliyev qeyd edib ki, elm işçisinə “bunu yazmaq olmaz” deyilməməlidir, çünki tənqidi düşüncə və müstəqil yanaşmalar yeni ixtiraların və kəşflərin əsas mənbəyidir.

“Kritik düşüncələr olmasa, heç bir ixtira və yenilik yaranmayacaq. Elm azad olmalıdır və onun üzərində hər hansı məhdudiyyət qoymaq olmaz”, — o əlavə edib.

O həmçinin vurğulayıb ki, elmin inkişafı üçün yaradıcı və sərbəst mühitin formalaşdırılması zəruridir, çünki yalnız azad mühitdə araşdırmaların keyfiyyəti və elmi nəticələrin əhəmiyyəti artar.

Gülnar Nazimqızı