Böyük Britaniya Rusiyanın dondurulmuş aktivlərini Ukraynaya transfer etməyə hazırlaşır

Böyük Britaniya Rusiyanın dondurulmuş 9 milyard avroluq aktivlərini Ukraynaya köçürməyə hazırdır. Bu barədə The Times nəşri yazıb. 

Vəsait Avropa İttifaqı (Aİ) və tərəfdaşlarının Ukraynaya dəstək üçün təsis etdikləri kompensasiya kreditinin bir hissəsi kimi nəzərdə tutulub. London hazırda transfer mexanizmini razılaşdırmaq üçün Kanada və Aİ ilə danışıqlar aparır.

Böyük Britaniya ümumilikdə Rusiyanın 28,6 milyard avroluq aktivini dondurub. Hökumət Rusiyanı “Britaniya vətəndaşları, təhlükəsizliyi və rifahı üçün təhlükə” kimi qiymətləndirir və maliyyə və hüquqi risklərə baxmayaraq, Belçikanın vetosunu aşaraq tərəfdaşları daha 130 milyard dollar vəsaiti sərbəst buraxmağa çağırır.

Gülnar