Asiya İnkişaf Bankı ADY-nin dayanıqlı inkişaf layihəsinə 1,25 milyon dollar ayırıb

Asiya İnkişaf Bankı Azərbaycan Dəmir Yollarına  1,25 milyon ABŞ dolları həcmində texniki yardım üçün vəsait ayrılıb. Bunu səhmdar cəmiyyətinin sədri Rövşən Rüstəmov bildirib.

"Dəmir yolu infrastrukturunda enerji səmərəliliyinin artırılması, elektrikləşdirmə prosesinin genişləndirilməsi və karbon emissiyalarının azaldılması istiqamətində aparılan hazırlıq işlərinə şərait yaradılır. Layihə çərçivəsində dizel əsaslı hərəkət tərkibindən mərhələli şəkildə imtina edilməsi, bərpa olunan enerji mənbələrinin, xüsusilə günəş enerjisinin stansiya və xidmət sahələrinə inteqrasiyası nəzərdə tutulur. Bu təşəbbüs Azərbaycan dəmir yolunun dayanıqlı və ekoloji cəhətdən səmərəli fəaliyyət göstərməsinə xidmət edəcək, həmçinin ölkənin nəqliyyat sektorunda yaşıl inkişafın gücləndirilməsinə töhfə verəcək",-o bildirib.
 

Aytac