Zığ yolunda sürət həddi endirilib

Paytaxtda yağışlı hava şəraiti səbəbindən Zığ dairəsi–Hava Limanı yolunda bəzi zolaqlar üzrə sürət həddi 20 km/saatadək azaldılıb. Bu barədə məlumatı Daxili İşlər Nazirliyinin Nəqliyyatı İntellektual İdarəetmə Mərkəzi açıqlayıb.

Qurum bildirib ki, sürət endirilməsi ilə bağlı yolboyu məlumat-sürət tabloları yenilənib və bütün elektron nişanlarda “sürüşkən yol” xəbərdarlığı aktiv edilib.

Mərkəz sürücülərə hava şəraitinə uyğun hərəkət etməyi və müəyyən edilən məhdudiyyətlərə əməl etməyi tövsiyə edir.