4 minə yaxın sahədə monitorinq aparılıb - Nazirlik vəziyyəti açıqlayıb

Hazırda 3,941 sahə üzrə torpaq göstəriciləri izlənilir və bu məlumatlar aqrar qərarverməni dəstəkləyən süni intellekt alqoritmlərinə inteqrasiya edilir. Bu barədə  nazirlik Milli Məclisin Təbbi ehtiyatlar, energetika və ekologiya komitəsinin “İqlim dəyişikliyi ilə mübarizədə süni intellektin rolu” mövzusunda keçirilən elmi-praktik konfransda təqdim etdiyi hesabatda qeyd edib.

Nazirliyin məlumatına əsasən, platformada sahələrin vəziyyəti üç kateqoriya üzrə qiymətləndirilir: hazırda 35 sahə təcili tədbir tələb edir, 486 sahə nəzarət altındadır, 3,435 sahənin göstəriciləri isə stabil hesab olunur.

Nazirlik bildirir ki, torpaq xəritəsi aqrar sahədə tətbiq olunan 30-dan çox süni intellekt ssenarisinin əsas komponentlərindən biridir və məhsuldarlıq proqnozlarının dəqiqləşdirilməsinə, gübrələmə və suvarma qərarlarının optimallaşdırılmasına mühüm dəstək verir.

Qurum vurğulayıb ki, rəqəmsal monitorinq alətlərinin genişləndirilməsi kənd təsərrüfatında resurslardan səmərəli istifadənin təmin olunmasına və fermer xidmətlərinin keyfiyyətinin artırılmasına xidmət edir.

Gülnar Nazimqızı