Elnur Soltanov: İqlim tədbirləri iqtisadi istehsala zərər verməməlidir

İqlim məsələləri üzrə görülən tədbirlər ölkənin iqtisadi istehsalına mənfi təsir göstərməməlidir. Bunu energetika nazirinin müavini Elnur Soltanov Milli Məclisin Təbbi ehtiyatlar, energetika və ekologiya komitəsinin “İqlim dəyişikliyi ilə mübarizədə süni intellektin rolu” mövzusunda keçirilən elmi-praktik konfransda bildirib.

Nazir müavini həmçinin bildirib ki, rəqəmsallaşma istiqamətində enerji sektorunda sürətli dönüş baş verir.

Rəsmi açıqlamaya görə, “Azəristiliktəchizat” və SOCAR-da rəqəmsal idarəetməyə keçidlə bağlı mühüm proseslər icra olunur. Soltanov deyib ki, rəqəmsallaşma məhsuldarlığı artırsa da, enerji infrastrukturu kiberhücumlara daha açıq hala gəlir və bu səbəbdən qoruyucu mexanizmlər gücləndirilir.

Onun sözlərinə görə, “Azərenerji”də hazırda 143 sistem rəqəmsallaşdırılıb, son beş ildə isə fiber-optik şəbəkənin həcmi əhəmiyyətli dərəcədə artırılıb. Müavin vurğulayıb ki, enerji sahəsində süni intellektin inteqrasiyası üçün tələb olunan texniki baza artıq formalaşıb və bütün sistemlər uyğunlaşdırılıb.

Gülnar Nazimqızı