Azərbaycan və Slovakiya prezidentlərinin geniş tərkibdə görüşü olub

Slovakiya Prezidenti Peter Pelleqrini Azərbaycan Prezidenti İlham Əliyevin Bratislavaya ilk rəsmi səfərini “güclü siqnal” adlandıraraq iki ölkə arasında əməkdaşlığın genişlənməsi üçün “böyük, hələ istifadə olunmamış potensialın” mövcud olduğunu bildirib.

Geniş tərkibli görüşdə Pelleqrini münasibətlərin dostluq xarakteri daşıdığını vurğulayıb və Bakıda səfirliyin açılmasının, eləcə də hökumətlərarası komissiyanın fəaliyyətinin bu əlaqələri daha da möhkəmləndirdiyini söyləyib.

Slovakiya lideri xüsusilə enerji sahəsində əməkdaşlığın strateji əhəmiyyət daşdığını qeyd edib: Avropa İttifaqının qərarı fonunda Rusiyadan qaz idxalının dayandırılması Slovakiyanı çətin vəziyyətə salıb və Bratislava Azərbaycanı mümkün həll variantlarından biri kimi görür.

Pelleqrini Azərbaycanın müdafiə və iqtisadiyyat nazirlərinin, eləcə də SOCAR rəhbərliyinin görüşlərdə iştirakını yüksək qiymətləndirib və səfərin Slovakiya üçün “böyük şərəf” olduğunu bildirib.