3600-dən çox məktəb təmir edilib və ya yenidən inşa olunub- Kənan Kərimzadə

3600-dən çox məktəb təmir edilib və ya yenidən inşa olunub. Bunu Elm və Təhsil nazirinin müavini Kənan Kərimzadə deyib.

O bildirib ki, ölkədə həyata keçirilən genişmiqyaslı təhsil proqramları çərçivəsində son illərdə 3600-dən çox məktəb binası yenidən inşa olunub və ya əsaslı təmir edilib.

"Bu proses nəticəsində 1,3 milyondan çox şagirdin təlim-tədris şəraiti yaxşılaşdırılıb. Təhsil sisteminin gücləndirilməsi üçün mühüm strateji sənədlər qəbul olunub, təhsil xərclərinin həm dövlət büdcəsindəki, həm də ÜDM-dəki payı artan dinamika ilə davam edir. Məzmun islahatları çərçivəsində yeni yanaşmalar artıq 300 mindən çox şagirdi əhatə edir. Rəqəmsal bacarıqlar layihəsi üzrə yaradılan platformadan isə 500 mindən çox şagird istifadə edir. Bundan əlavə, 400-dən çox məktəbdə müasir metodikalar, 2000-dən çox təhsil müəssisəsində isə yenilənmiş tədris resursları tətbiq olunmağa başlayıb",-nazir müavini dekabrln 9- da Bakıda keçirilən Ümumi təhsildə keyfiyyətin yüksəldilməsi: təcrübələr və yeni yanaşmalar mövzusunda keçirlən tədbirdə deyib.

O əlavə edib ki, son illər müəllimlərin peşəkar inkişafı da diqqət mərkəzindədir. Belə ki, 80 mindən çox müəllim müxtəlif təlim və tətbiqat proqramlarına cəlb olunub.

"Attestasiya prosesinin nəticələrinə əsasən, müəllimlərin bir hissəsinin əməkhaqqı 35%, bəzi kateqoriyalar üzrə isə 10–60% arasında artırılıb. bütün fəaliyyətlərin məqsədi təhsilin inkişafını sürətləndirmək, ölkədə daha keyfiyyətli, müasir və əlçatan təhsil mühiti formalaşdırmaqdı",- o vurğulauıb. 
 

Aytac Zeynalova