Bu fənnlər də tədrisi başqa dildə olan məktəblərdə Azərbaycan dilində keçirilir

Artıq “Azərbaycan tarixi" fənni ilə yanaşı “Hərbi hazırlıq” və “Musiqi” fənləri tədris dilindən asılı olmayaraq bütün siniflərdə Azərbaycan dilində tədris olunur. Bunu Təhsil İnstitutunun direktoru səlahiyyətlərini müvəqqəti icra edən, elm və təhsil nazirinin müşaviri Elnur Əliyev bu gün jurnalistlərə açıqlaması zamanı deyib.

O qeyd edib ki, məqsəd şagirdlərin öyrənmə prosesinə təsiri və nəticələrin qiymətləndirilməsidir. Hazırda digər fənlərin də Azərbaycan dilində tədrisi ilə bağlı müzakirələr davam edir. Konkret hansı fənlərin bu siyahıya əlavə olunacağı barədə qərar isə növbəti illərdə veriləcək”, - o vurğulayıb.
 

Aytac Zeynalova