Uitkoff Berlində Avropa liderləri və Zelenski ilə görüşəcək

ABŞ Prezidentinin nümayəndəsi Stiven Uitkoff bu həftə sonu Berlində Avropa liderləri və Ukrayna prezidenti Volodimir Zelenski ilə görüşəcək.Bu barədə "The Wall Street Journal" qəzeti mənbələrə istinadən xəbər verib.

Məlumata əsasən, o, 14-15 dekabr tarixlərində Böyük Britaniya, Almaniya və Fransadan olan rəsmilərlə görüşəcək.

Qəzet qeyd edir ki, Uitkoffun Berlinə göndərilməsi qərarı Amerika administrasiyasının Vaşinqton və Kiyev arasında sülh müqaviləsinin şərtləri ilə bağlı fikir ayrılıqlarını aradan qaldırmaq istəyini nümayiş etdirir.