NATO baş katibi: Rusiya təkcə Ukraynaya qarşı müharibə ilə kifayətlənməyəcək

 Rusiya prezidenti Vladimir Putin yalnız Ukraynaya qarşı müharibə ilə məhdudlaşmaq niyyətində deyil. Bunu Berlində çıxış edən NATO-nun baş katibi Mark Rutte bildirib.

“Biz Rusiyanın növbəti hədəfiyik. NATO-nun hazırda vəzifəsi müharibə başlamazdan əvvəl onu dayandırmaqdır. Bunu etmək üçün təhlükəni tam başa düşməliyik”, – Rutte vurğulayıb.

Baş katib əlavə edib ki, təhlükə artıq mövcuddur və bu səbəbdən müttəfiqlərin müdafiə xərclərini artırması və Ukraynaya daha çox dəstək verməsi vacibdir.

“Silahlı qüvvələrimiz bizi müdafiə etmək üçün lazım olan hər şeyi almalıdır. Ukrayna isə indi özünü müdafiə üçün lazım olan hər şeyi almalıdır. Çoxlu müttəfiq anın təcili olduğunu hiss etmir və zamanın onların tərəfində olduğunu düşünür. Amma bu, belə deyil”, – o qeyd edib.

Rutte-nin çıxışı Avropada müdafiə və təhlükəsizlik məsələlərində NATO üzvlərinin birgə hərəkətinin vacibliyini bir daha önə çıxarır və Rusiya ilə mümkün eskalasiyanın qarşısının alınması üçün tədbirlərin gücləndirilməsinə çağırır.

Aytac