İranın Azərbaycandan məhsul idxalı azalıb

2025-ci ilin 8 ayında İranın Azərbaycandan məhsul idxalı ötən ilin analoji dövrü ilə müqayisədə dəyər baxımından 66,6%, çəki baxımından 59,7% azalıb. Bu barədə İran mətbuatı məlumat yayıb.

Statistikaya əsasən, 8 ay ərzində İranın Azərbaycandan məhsul idxalı təxminən 7,53 milyon dollar dəyərində 3,74 min ton təşkil edib.

 8 ay ərzində İranın Azərbaycanla qeyri-neft məhsul ticarəti təxminən 398 milyon dollar dəyərində, təxminən 580 min ton təşkil edib. Ticarət dövriyyəsi ötən ilin analoji dövrü ilə müqayisədə dəyər baxımından 17,6%, çəki baxımından 2,45% azalıb.

İran Gömrük Administrasiyasının məlumatına görə, 8 ayda İranın məhsul idxalı 39,5 milyard dollar dəyərində 25,8 milyon ton təşkil edib. Məhsul idxalı ötən ilin analoji dövrü ilə müqayisədə dəyər baxımından 14,3% azalıb, çəki baxımından isə 3% artıb.