Ərdoğan: Ermənistan və Azərbaycan sülhə hər zamankından daha yaxındır

Azərbaycan ilə Ermənistan sülh müqaviləsi imzalamağa indiyə qədər olduğundan daha yaxındır. Bunu Türkiyə Prezidenti Rəcəb Tayyib Ərdoğan Ankarada keçirilən 16-cı Səfirlər Konfransında çıxış edərək Ermənistan-Azərbaycan sülh prosesi və Ermənistan-Türkiyə münasibətləri barədə danışarkən deyib. 

Ərdoğan bildirib ki, Cənubi Qafqaz tarixi bir dövr yaşayır və Azərbaycanla Ermənistan arasında sülh müqaviləsi imzalanması real perspektivdədir.

Eyni zamanda, Türkiyə Azərbaycanla dialoq çərçivəsində Ermənistanla münasibətlərin normallaşdırılması prosesini də dəstəkləyir.

Prezident 2026-cı ilin əvvəlindən etibarən simvolik addımların atılacağına ümid etdiyini vurğulayıb.

Gülnar