Azərbaycan nefti bahalaşıb

Dünya bazarında “Azeri Light” markalı Azərbaycan neftinin bir barelinin qiyməti 0,47 ABŞ dolları və ya 0,74% artaraq 63,87 ABŞ dollarına yüksəlib.

Hərracların nəticələrinə görə, “Brent” markalı neftin fevral fyuçersləri 60,93 ABŞ dolları səviyyəsində formalaşıb.

Türkiyənin Ceyhan limanında FOB bazasında “Azeri Light”in qiyməti 0,84 ABŞ dolları və ya 0,73% artaraq 61,77 ABŞ dolları olub.

Azərbaycanın 2025-ci il dövlət büdcəsində neftin bir barelinin orta qiyməti 70 ABŞ dollarından götürülüb ki, bu da mövcud bazar qiymətlərindən yüksəkdir.

“Azeri Light” neftinin tarixi minimum qiyməti 2020-ci il aprelin 21-də 15,81 ABŞ dolları, maksimum qiyməti isə 2008-ci ilin iyulunda 149,66 ABŞ dolları səviyyəsində qeydə alınıb. Bu marka “Azəri-Çıraq-Günəşli” (AÇG) yataqlar blokundan hasil olunur və SOCAR-ın layihədə payı 31,65% təşkil edir.