ABŞ “Green Card” lotereyasını müvəqqəti dayandırır

ABŞ hökuməti “Green Card” kimi tanınan Diversity Visa (DV) lotereya proqramını müvəqqəti olaraq dayandırmaq qərarı verib. Bu barədə ölkənin daxili təhlükəsizlik naziri Kristi Noem “X” sosial media platformasında məlumat paylaşıb.

Nazir qərarın səbəbi kimi Braun Universitetində baş vermiş atışma ilə bağlı təhlükəsizlik narahatlıqlarını göstərib. Onun sözlərinə görə, hadisədə şübhəli bilinən Klaudio Manuel Neves 2017-ci ildə məhz bu proqram vasitəsilə ABŞ-a daxil olub.

Dekabrın 14-də Rod-Aylend ştatında yerləşən Braun Universitetinin kampusunda baş verən atışma nəticəsində iki nəfər ölüb, bir neçə nəfər yaralanıb. Hadisə ölkədə immiqrasiya və təhlükəsizlik siyasəti ətrafında müzakirələri yenidən gündəmə gətirib.

Aytac