Tbilisidə etiraz yürüşləri qadağan edilib

Dekabrın 21-dən etibarən Tbilisidə etiraz yürüşlərinin keçirilməsi qadağan ediləcək.Bu barədə Gürcüstanın Daxili İşlər Nazirliyindən (DİN) bildirilib.

Məlumata əsasən, dekabrın 31-dək paytaxtda təşkil olunacaq aksiyalar yürüşlər olmadan keçirilməlidir.

Aksiya iştirakçıları etirazlarını parlament binasının qarşısındakı pilləkənlərdə və yaxın ərazidə ifadə etməli, həmçinin səkidə digər vətəndaşların və yolun hərəkət hissəsində nəqliyyat vasitələrinin hərəkətinə mane olmamalıdırlar.

Dekabrın 11-dən Gürcüstanda toplantılar və nümayişlərlə bağlı sərt tələblər qüvvəyə minib. Tələblərə əsasən aksiyanın 5 gün öncədən DİN-ə xəbərdarlıq edilmədən ictimai yerdə təşkili qadağan olunub.