Tramp administrasiyası 48 xarici diplomatik nümayəndəliyin rəhbərini geri çağıracaq

ABŞ prezidenti Donald Trampın administrasiyası Asiya, Afrika, Şərqi Avropa, Mərkəzi və Cənubi Amerika ölkələrindən 48 səfiri geri çağırmaq qərarına gəlib.Bu barədə "The New York Post" qəzeti mənbələrə istinadən xəbər verib.

"Bu, istənilən administrasiyada standart prosedurdur. Səfir prezidentin şəxsi nümayəndəsidir və prezidentin bu ölkələrdə "Amerika Birinci" gündəliyini təbliğ edən şəxslərin olmasını təmin etmək səlahiyyəti var", - deyə Dövlət Departamentinin nümayəndəsi bildirib.

Qeyd edilib ki, Tramp administrasiyası hələ də ABŞ-nin əsas tərəfdaşları olan ölkələrdə daimi diplomatik nümayəndəlik rəhbərlərini təyin etməyib. Xüsusilə, Avstraliya, Almaniya, Qətər, Səudiyyə Ərəbistanı, Cənubi Koreya və ya Ukraynada ABŞ səfirləri yoxdur.