Ermənistanda parlament seçkiləri iyunun 7-si keçirilə bilər

Ermənistanda növbəti parlament seçkiləri 2-12 iyun 2026-cı il tarixləri arasında keçiriləcək və bu müddətdə yeganə bazar günü 7 iyundur. Bu barədə ölkə mətbuatı yazıb. 

Mərkəzi Seçki Komissiyasının sədri Vaaqn Hovakimyan bildirib ki, seçki günü Ermənistan Respublikasının Prezidenti tərəfindən təyin olunacaq.

Hələlik prezidentin fərmanı yoxdur, lakin hamı 7 iyunu seçki günü hesab edir.

Hovakimyan qeyd edib ki, parlament seçkiləri üçün qanunla bazar gününə təyin etmək tələbi yoxdur, amma praktikada bu qəbul edilir. Əgər prezident başqa bir gün seçsə, qeyri-iş günü elan edilməsi üçün əlavə hüquqi tənzimləmələr tələb olunacaq.

Öncəki parlament seçkiləri 20 iyun 2021-ci ildə keçirilib.

Aytac