Zelenski Uitkoff və Kuşnerle telefon danışığı aparıb

Ukrayna prezidenti Volodimir Zelenski ABŞ Prezidentinin xüsusi elçisi Stiven Uitkoff və ABŞ prezidentinin kürəkəni Cared Kuşner ilə telefonla danışıb.Bu barədə Zelenski "Telegram" kanalında yazıb.

"İşin bəzi əhəmiyyətli detallarını müzakirə etdik. Ortaq nəticəyə və davamlı sülhə doğru işləyə biləcək bəzi yaxşı fikirlər var. Ümid edirəm ki, bu gün müzakirə etdiyimiz Milad razılaşmaları və ideyaları faydalı olacaq", - deyə Zelenski bildirib.

Prezident əlavə edib ki, telefon danışığında Ukrayna Təhlükəsizlik Şurasının katibi Rüstəm Umerov, Ukrayna Silahlı Qüvvələrinin Baş Qərargah rəisi Andrey Qnatov, xarici işlər naziri Andrey Sibiha və onun müavinləri Sergey Kislitsa, həmçinin prezident administrasiyasının əməkdaşları da iştirak edib.