Jurnalist olmaq istəyirlərsə, düzgün olsunlar - Deputatdan irad

Bəzi şəxslər jurnalist olmağa cəhd edərkən ilk növbədə Milli Məclis deputatları haqqında yazmaqla məşhurlaşmağa çalışırlar. Bunu deputat Siyavuş Novruzov deyib. 

Novruzov vurğulayıb ki, bu cür hallarla bağlı müəyyən tədbirlər görülməli və yanlış yola düşənlərin qarşısı alınmalıdır.

“Jurnalist peşəsini seçənlər fəaliyyətlərində düzgün və məsuliyyətli mövqe tutmalıdırlar. Əgər jurnalist olmaq istəyirlərsə, düzgün jurnalist olsunlar”, – deputat əlavə edib.

O qeyd edib ki, əsas məqsəd medianın etik prinsiplərə riayət etməsini təmin etmək və ictimaiyyətə obyektiv informasiya təqdim edilməsini dəstəkləməkdir.

Gülnar Nazimqızı