Bu şəxslər Gürcüstana gedəndə məcburi sığorta sənədi verməyəcək

 2026-cı il yanvarın 1-dən etibarən ölkəyə daxil olan hər bir turist sərhəd-keçid məntəqəsində tibbi və qəza sığortasını təsdiq edən sənədi təqdim etməlidir. Bu barədə Gürcüstan Xarici İşlər Nazirliyi məlumat yayıb. 

Sənəd fiziki və ya elektron formada, gürcü və ya ingilis dilində olmalıdır və minimum 30 000 lari limitini əhatə etməlidir.

Sənəddə sığorta müqaviləsinin tərəfləri, əhatə dairəsi, sığorta predmeti, başlanğıc və bitmə tarixləri, risklər, sığorta məbləği, ödəniş yeri və tarixi göstərilməlidir. Sığorta turistin Gürcüstanda qaldığı bütün müddət ərzində qüvvədə olmalıdır.

Məcburi sığorta tələbindən aşağıdakı şəxslər azaddır: diplomatik və xüsusi vizası olanlar, diplomatik, rəsmi, xidməti və xüsusi pasport sahibləri, beynəlxalq təşkilatların nümayəndələri və ailə üzvləri, Gürcüstanın beynəlxalq müqavilələri üzrə nəzərdə tutulan şəxslər, həmçinin beynəlxalq avtomobil yük və sərnişin daşımaları ilə məşğul olan sürücülər.

Aytac