Tramp Ukraynanın Putinin iqamətgahına hücum etdiyinə inanmadığını bildirib

ABŞ Prezidenti Donald Trump Rusiyanın iddialarına baxmayaraq, Ukraynanın Rusiya Prezidenti Vladimir Putinin iqamətgahına zərbə endirdiyinə inanmadığını deyib.

Reuters-in məlumatına görə, Tramp bunu Air Force One təyyarəsində jurnalistlərlə söhbət zamanı bildirib.

O qeyd edib ki, hadisə ilə bağlı ilkin məlumatlar dəqiqləşdirildikdən sonra belə bir hücumun baş verdiyinə inanılmır.

Tramp jurnalistlərin, Putinin ona bu hücum barədə məlumat verdiyini xatırlatmasına cavab olaraq deyib ki, həmin vaxt bu barədə başqa məlumat yox idi və bu, eşitdikləri ilk versiya olub.

Rusiya tərəfi Ukrayna pilotsuz uçuş aparatlarının Putinin Novqorod vilayətində yerləşən iqamətgahına hücum etdiyini iddia edib. Ukrayna bu məlumatı təkzib edib.

ABŞ mediası isə CIA-ya istinadən bildirib ki, Kiyev Putinə və ya onun iqamətgahına hücum etməyib.

N.Təbrizli