İstanbulda güclü yağış və fırtına bir sıra fəsadlar yaradıb

İstanbulda fasilələrlə yağan güclü yağış və şiddətli fırtınalar şəhərin müxtəlif bölgələrində fəsadlara səbəb olub. Məlumatı Türkiyə mətbuatı yayıb. 

Şəhərin bir neçə küçəsində ağaclar qırılıb və nəqliyyat vasitələrinə zərər dəyib. Büyükçekmecede D-100 avtomobil yolundakı yeraltı keçid külək və dəniz suyunun dolması səbəbindən nəqliyyatın hərəkətini çətinləşdirib. Mimaroba məhəlləsində bir yaşayış kompleksinin bağçasındakı ağac aşıb, eyni kompleksdə binanın fasadının bir hissəsi küləyin təsiri ilə qopub. Bahçelievlerdə ağacın aşması nəticəsində bir nəfər yüngül xəsarət alıb.

Tuzla sahilində isə fırtına dalğaların hündürlüyünü artırıb, bir çox qayıq sahilə çırpılıb və ya batıb.

Bundan əlavə, güclü külək Ayasofya Böyük Məscidindəki Memar Sinan Minarəsinin uc hissəsini məscidin bağçasına aşırıb.

Yağışlı hava səbəbindən yollarda sürüşkənlik yaranıb və 7 nəqliyyat vasitəsinin iştirakı ilə zəncirvari yol qəzası baş verib, nəticədə yolların bir hissəsində tıxac yaranıb.

Aytac