Moskvadan İrəvana uçan təyyarədə yanğın olub

Moskvadan İrəvana uçan təyyarənin göyərtəsində yanğın baş verib.Bu barədə  “SHOT” teleqram kanalı məlumat yayıb.

İlkin məlumata görə, sərnişinlərdən birinə məxsus əl yükü alovlanıb.

Şahidlərin bildirdiyinə əsasən, bort bələdçiləri operativ hərəkət edərək alovu yanğınsöndürən balonun köməyi ilə söndürüblər.

İlkin ehtimala görə, çantanın içində olan enerji cihazı alışıb. Hadisə nəticəsində xəsarət alan olmayıb, marşrut dəyişdirilməyib. "FlyOne Armenia" aviaşirkətinə məxsus təyyarə təhlükəsiz şəkildə İrəvanda eniş edib.

Hadisənin təfərrüatları araşdırılır.