Hesablama Palatası: Qızıl portfelinin xüsusi çəkisi 9 ayda 12,2% artıb

2025-ci ilin 9 ayı ərzində Fondun investisiya portfelində qızılın xüsusi çəkisi ilin əvvəli ilə müqayisədə 12,2% artaraq 32,8%-ə çatıb. Bu barədə Hesablama Palatasının hesabatında qeyd olunub. 

Rəsmi məlumata görə, Fondun qızıl portfeli 2025-ci ilin əvvəlində 146,6 ton və ya 12 354,6 milyon ABŞ dolları təşkil edib.

2025-ci ilin 9 ayı ərzində əlavə olaraq 3 808,3 milyon ABŞ dolları dəyərində 38,3 ton qızıl alınıb.

Əlavə alışlar və qızılın qiymət artımı nəticəsində sentyabr ayına olan vəziyyətə görə portfeldə qızılın ümumi miqdarı 184,8 ton və ya 22 982,9 milyon ABŞ dollarına çatıb. Bu göstərici ümumi portfeldə qızılın xüsusi çəkisinin 12,2% artaraq 32,8%-ə yüksəlməsinə səbəb olub.

Gülnar Nazimqızı