Paşinyan: Ermənistan Azərbaycanın əsas hissəsi ilə Naxçıvan arasında maneəsiz əlaqəyə hazırdır

Ermənistan razılaşdırılmış çərçivə daxilində Azərbaycanın əsas hissəsi ilə Naxçıvan Muxtar Respublikası arasında maneəsiz ünsiyyətin təmin edilməsi üçün siyasi iradəsini təsdiqləyir. Bunu ölkənin baş naziri Nikol Paşinyan hökumətin iclasında bildirib.

Paşinyan vurğulayıb ki, bu proses həm Ermənistanda, həm də Azərbaycanda sürətli olmayacaq, çünki cəmiyyətlərdə illərlə davam edən münaqişələrin formalaşdırdığı diskurslar hələ də mövcuddur. Baş nazir, həmçinin qarşılıqlı ittihamlarla bağlı məsələlərdə daha praktik yanaşmanın vacib olduğunu bildirib.

O əlavə edib ki, hökumət üzvləri və dövlət orqanlarının nümayəndələrinin dəstəyi hazırkı mərhələyə çatmağa imkan verib və sülhün praktik faydalarının sonsuz müzakirələrdən daha təsirli ola biləcəyini qeyd edib.

Aytac